Дар асоси моддаи 203 Кодекси мурофиавии граждании Ҷумҳурии Тоҷикистон (дар оянда КМГ ҶТ) суд қисми хулосавии ҳалномаро суд дар маҷлиси судии охирон эълон намуда, дар мӯҳлати на бештар аз панҷ рӯз метавонад ҳалномаи асоснок (яъне пурраро) таҳия намояд.
Тибқи моддаи 218 КМҶ ҶТ
ҳалномаи эълоншуда ва пурра таҳияшудаи суд ба ҳар як шахси иштирокчии парванда дар шакли нусхаи тасдиқгардида супорида мешавад.
Ба Шумо тавсия дода мешавад, ки бо ариза барои гирифтани нусхаи халнома ба Раиси суд мурочиат намуда, аз суд оиди гирифтани нусхаи тасдикшудаи ҳалномаи судиро хоҳиш намоед.

Ҳа, Шумо метавонед, бо протоколи мачлиси суди шинос шавед.
Дар асоси моддаи 236 Кодекси мурофиаи граждании Ҷумҳурии Тоҷикистон, шахсони иштирокчии парванда, намояндагони онҳо ҳуқуқ доранд бо протокол шинос шуда, дар мӯҳлати панҷ рӯз аз рӯзи имзо шудани он дар шакли хаттӣ эродҳои худро нисбат ба протокол бо зикри носаҳеҳиҳо ё номукаммалии он пешниҳод кунанд.

Ҳангоми дастгир кардани шахс ба ӯ бояд имконият дода шавад, ки ӯ ба адвокати худ ё ба хешовандони наздики худ хабар диҳад. Ҳамчунин мақомоти таъқиби ҷиноятӣ вазифадор аст, бетаъхир дар бораи дастгиркунӣ ва ҷои нигоҳ доштани дастгиршуда ба аъзои оилаи ё хешовандони ӯ хабар диҳанд, дар ин бора дар протоколи дастгиркунӣ бояд қайд карда шавад.
(муфассалтар дар моддаи 94 ва 100 Кодекси мурофиавии ҷиноятии Ҷумҳурии Тоҷикистон, метавонед дар mmk.tj дарёфт кунед).

Шумо метавонед оиди ин ҳолат ба нозири минтақавии шӯъбаи вазорати корҳои дохилии маҳалли истиқомати худ бо шикоят муроҷиат намоед. Дар ариза бояд кадом кирдори ҳамсоя шуморо халалдор месозад, барои чӣ ҷангу ҷагҷол мекунад, барои шумо чӣ гуна оқибатҳои манфӣ ба миён меорад, дарҷ карда бошед.

Тибқи қисми 1 моддаи 18 Қонуни Ҷумҳурии Тоҷикистон “Дар бораи муроҷиатҳои шахсони воқеӣ ва ҳуқуқӣ” муроҷиатҳои ба мақомоту ташкилоти дахлдор пешниҳодшуда дар давоми сӣ рўз ва муроҷиатҳое, ки омўзишу таҳқиқи иловагиро талаб намекунанд, дар муҳлати понздаҳ рўз аз рўзи ба қайд гирифта шуданашон баррасӣ карда мешаванд.

Бо ариза оиди ҷиноят муроҷиат намудан бо моддаҳои 141-149 Кодекси мурофиавии ҷиноятии Ҷумҳурии Тоҷикистон (оянда КМҶ) ба танзим дароварда шудааст.
Дар асоси қисми 5 моддаи 145 КМҶ Ҷумҳурии Тоҷикистон 5. қарор оид ба ариза ва иттилоот дар бораи ҷиноят бояд дар мӯҳлати на дертар аз се шабонарӯз аз лаҳзаи гирифтани ариза ва иттилоот қабул карда шавад. Дар ҳолатҳои зарурӣ прокурор барои гирифтани баёноти иловагии шахси аризадиҳанда, талаб карда гирифтани ҳуҷҷатҳо, азназаргузаронии ҷои ҳодиса ин мӯҳлатро то даҳ шабонарӯз дароз карда метавонад.

Ба Шумо зарур аст бо аризаи даъвогӣ оиди бекор кардани акти никоҳ ба суди шаҳри Хуҷанд муроҷиат намоед, зеро дар асоси моддаи 30 Кодекси мурофиавии граждании Ҷумҳурии Тоҷикистон даъво ба суди маҳалли истиқомати ҷавобгар пешниҳод карда мешавад.

Аз рӯзи ба Шумо дода шудани Халнома барои пешниҳоди шикояти кассатсионӣ, як моҳ мӯҳлат доред. Зарур аст дар вақти гирифтани Ҳалнома дар дастхат санаи воқеан гирифта шударо дарҷ кунед.
Дар асоси моддаи 327 Кодекси мурофиавии граждании Ҷумҳурии Тоҷикистон шикоят ва эътирози кассатсионӣ мумкин аст дар мӯҳлати як моҳ аз рӯзи супоридани ҳалномаи асоснок ба тарафҳо пешниҳод карда шавад.

Шартномаи меҳнати метавонад ба мӯҳлати муайян - на камтар аз як сол, баста шавад. Шартномаи меҳнатӣ ба муҳлати муайян дар ҳолатҳое баста мешавад, ки агар бо назардошти хусусияти кор ва ё шароити иҷрои он ва ё манфиати корманд, инчунин дар ҳолатҳои муқаррарнамудаи Кодекси мазкур ва дигар санадҳои қонунгузории Ҷумҳурии Тоҷикистон бастани шартнома барои муҳлати номуайян имконнопазир бошад.
Муффасалтар дар моддаи 25 Кодекси меҳнати Ҷумҳурии Тоҷикистон, метавонед дар mmk.tj дарёфт кунед.

Зеро дар асоси моддаи 134 Кодекси ҳуқуқвайронкунии маъмурии Ҷумҳурии Тоҷикистон барои сариваќт напардохтани музди меӣнат, ҷарима пешниҳод карда шудааст.
Ҳамчунин дар асоси моддаи 153 прим 1 Кодекси ҷиноятии Ҷумҳурии Тоҷикистон аз ҷониби корфармо, роҳбари корхона, муассиса ё ташкилот новобаста аз шакли моликияташон зиёда аз ду моҳ напардохтани музди меҳнат, нафақа, стипендия, ёрдампулӣ ё дигар пардохтҳои бо қонун муқарраргардида, агар ин кирдор бо ғараз ё дигар манфиатҳои шахсӣ содир шуда бошад, - ҷавобгарии ҷиноятӣ муқаррар карда шудааст.

Шумо метавонед бо фарзанди худ дар муассисаи тафтишоти (СИЗО) дар асоси мактуб (иҷозати хатти) муфаттиш ва ё судя мулоқот намоед.
Дар асоси қисми 4 моддаи 18 Қонуни Ҷумҳурии Тоҷикистон “Дар бораи тартиб ва шароити дар ҳабс нигоҳ доштани гумонбаршуда, айбдоршаванда ва судшаванда” ба гумонбаршуда, айбдоршаванда ва судшаванда мумкин аст дар асоси иҷозати хаттии шахси мансабдор ё мақоме, ки парвандаи ҷиноятӣ дар пешбурди он қарор дорад, имконият дода шавад, ки дар як моҳ на зиёда аз ду маротиба, ки давомнокии ҳар як маротибаи он то се соат мебошад, бо
хешовандон ва дигар шахсон мулоқот намоянд.

Дар асоси 17 Қонуни Ҷумҳурии Тоҷикистон “Дар бораи тартиб ва шароити дар ҳабс нигоҳ доштани гумонбаршуда, айбдоршаванда ва судшаванда” фарзанди Шумо ҳуқуқҳои зеринро дорад:
- дар бораи ҳуқуқу ўҳдадориҳои худ, низоми дар ҳабс нигоҳ доштан, талаботи интизомӣ, тартиби додани таклиф, ариза ва шикоят маълумот гиранд;
- ба амнияти шахсӣ дар ҷойҳои дар ҳабс нигоҳ доштан;
- ба сардорони ҷойҳои дар ҳабс нигоҳ доштан ва ба шахсони ҷойҳои дар ҳабс нигоҳ доштанро назораткунанда ҳангоми дар ҳудуди он будани ин шахсон доир ба ҳузури худ қабул карданашон муроҷиат намоянд;
- бо ҳимоятгар, хешовандон ва дигар шахсони дар моддаи 18 Қонуни мазкур пешбинишуда мулоқот намоянд;
- бо худ ҳуҷҷату навиштаҳо доир ба парвандаи ҷиноятӣ ё ба масъалаҳои амалӣ намудани ҳуқуқу манфиатҳои қонуниашон вобастабударо дошта бошанд, ба истиснои ҳуҷҷату навиштаҳое, ки онҳоро бо мақсадҳои ғайриқонунӣ истифода бурдан мумкин аст ё онҳо дорои маълумоти сирри давлатӣ ё дигар маълумоти бо қонун ҳифзшаванда бошанд;
- аз рўи масъалаи қонунӣ ва асоснок будани дар ҳабс нигоҳ доштан ва риоя нагардидани ҳуқуқу манфиатҳои қонуниашон бо таклифҳо, аризаҳо ва шикоятҳо, аз он ҷумла ба суд муроҷиат намоянд;
- мукотиба намоянд ва аз қоғазу қалам истифода баранд;
- таъминоти моддию маишӣ ва тиббию санитариро, аз ҷумла дар давраи иштирок кардан дар амалҳои тафтишотӣ ва мурофиаи судӣ ройгон гиранд;
- шабона тибқи реҷаи муқарраршуда ҳашт соат хоб раванд, ки дар ин муддат онҳоро ба амалиёти мурофиавӣ ва дигар амалиётҳо, ба истиснои ҳолатҳои пешбининамудаи Кодекси мурофиавии ҷиноятии Ҷумҳурии Тоҷикистон ҷалб кардан манъ аст;
- аз гаштугузори ҳаррўза, ки набояд аз як соат кам бошад, истифода баранд;
- аз лавозимоти хоби (бистари) шахсӣ, инчунин аз ашё ва чизу чораи дигар истифода баранд, ки номгўй ва миқдори онҳо бо Қоидаҳои тартиботи дохилӣ муайян карда мешавад;
- аз китобҳо ва рўзномаю маҷаллаҳое, ки дар китобхонаи ҷойҳои дар ҳабс нигоҳ доштан мавҷуданд ё ба воситаи маъмурияти ҷойҳои дар ҳабс нигоҳ доштан аз шабакаҳои савдо харидорӣ карда шудаанд, инчунин аз бозиҳои рўимизӣ истифода намоянд;
- дар бинои ҷойҳои дар ҳабс нигоҳ доштан, бо шарти риоя намудани Қоидаҳои тартиботи дохилӣ ва ҳуқуқҳои дигар гумонбаршуда, айбдоршаванда ва судшаванда маросимҳои диниро
иҷро намоянд, бо худ адабиёти динӣ ва дигар лавозимоти зарурии динӣ дошта бошанд;
- бо худомўзӣ машғул шаванд ва ба ин мақсадҳо аз адабиёти иҷозатдодашуда истифода намоянд;
- фиристаҳо ва дастовезҳо гиранд;
- аз тарафи кормандони ҷойҳои дар ҳабс нигоҳ доштан муомилаи хуб бинанд;
- дар аҳдҳои ҳуқуқии гражданӣ иштирок намоянд.